KBC HPUNG SARA MAGAM DAP

MAGAM BUNGLI NI

  1. 2005 ning kaw nna, Chyum jawng nnan yu wa sai jawng ma ni, KBC shing wang kata e, Hpung magam gun sa wa na ni hpe magam shachyen ya ai lam hpe April shata e, shaning shagu galaw nga ai.
  2. Hpung sara shawa hpawng (conference) hpe 4 ning hta kalang ( Mu gun ladaw langai hta kalang ) galaw nga ai.
  3. Hpung up ni a hpawng hpe mung galaw ai.
  4. Ra wa ai hta hkan nna Seminar galaw ai.
  5. Hpung woi ai lam hta jai lang ra ai Hpung woi matsun laika buk, Hkung ran lakmat, dai daw lakmat, hkalup lakmat, shayi ap lakmat ni hpe htuk manu ai hkra bawngban hpawng ni woi galaw nna dip shapraw shangun ai.
  6. Hpung magam gun ni jai lang asung jashawn na matu mung, hpung masha ni makam masham lam a matu mung lawu ga gale laika buk dip shapraw ga ai.

(a) Grace to you (USA) ni npawt gaw ya ai hte laika buk law law dip shapraw nga ai. Dip shapraw da ai laika buk ni gaw: Nawku Hpung a matu Madu a masing, Wan shaje, Hkarismatik kashuk kashak, Titu a magam ga, Angawk ai wa a ja dengga, Yu maya marai shi lahkawng, Galati hpyen shaleng, 1Timohti, 2 Timohti, Titu hpyen shaleng, Hpung up tam san na rai yang, Chyum masa hpung woi lam, Hpyen shaleng tara hkaw lam, Yesu hte Myihtoi ni a lagaw hkang hta hkawm sa ga,

(b) Betlehem (USA) ni garum ya ai hte Htuk Ginsat (Systematic Theology- Wayne Grudem), Tsawm Htap ai Hkawhkam (Biblical Theology – Schreiner) laika buk gale dip shapraw da sai.

  1. Magam gun usa garum masing galaw nga ai.
  2. OKCK (Oversea Kachin Christian Koinonia) Maigan du nga ai anhte a kashu kasha ni asak (70) lahta Hpung magam gun ni hpe garum ai lam hta lit la shalai ya ai.
  3. Wundoi mat ai Hpung magam gun a ding hku masha ni hpe shalan shabran laika shadu ai.
  4. Myen Mung Hkalup Hpung Ginjaw, Hpung Sara Magam Dap hte matut mahkai nna galaw nga ai bungli ni gaw:

(a) Hpung magam gun ni a sara masat card shalai galaw ya ai.

(b) Hpung up ni a sharin hpawng July shata mi de magam gun dat ya ai.

(c)  Wundoi mat wa sai ni a mying jahpan sa ya ai.

(d) Magam gun (40) ning hpring sai ni a mying sa ya ai.

(e) Manga ning kalang galaw ai MBC Hpung Sara Conference de woi sa ai.

(f)   Masum ning kalang galaw ai MBC Hpung Sara Seminar de woi sa ai.