June 5, 2019 ya shani KBC Ginjaw Rung hta KBC Ningbaw Rev. Dr. Hkalam Samson woi awn ai KHCC kaw na Ningtau Amu Madu 1, Wajau Noel Nawng Lat hte Ningtau Amu Madu 3 rai nga ai Sr. Hpauyam Hka Li (HDD Hpa-awn) hte EU Myen Mung lit hkam ni hte EU ECHO Karum Ningtum Hpung lit hkam ni
Karum Ningtum hpung hte KBC Ginjaw Rung hta hkrum shaga ai lam chye lu ai.
Hkrum shaga ai lam hta Hpyen yen Karum ningtum lam hte tinang a dum nta de bai wa lu na lam hta Mungkan Karum ningtum hpung ni a shang lawm lu na lam hte hpyen yen ni shim lum ai hte wa lu na matu jawm lam tam shakut na hte, ra ai Karum ningtum lam ni hpe Ndut ndang ra ai hta hkan nna Karum lu hkra jaw ladat shaw na lam ni hte seng nna hkrum shaga Lai wa ai lam shi ga na lu ai.
EU ECHO gaw 2011 Ning Majan Bai byin wa ai kaw nna dai ni du hkra matut ndi hpyen yen ni hpe Karum ai lam hta Grai N-gun dat shakut nga ai lam hpe Sr. Hpauyam Hka Li tsun ai kaw na chye lu ga ai.
Hkrum shaga ai lam hta lawm ai ni gaw
1. Rev. Dr. Hkalam Samson (Ningbaw, KHCC)
2. Wajau Noel Nawng Lat (N/T Amu madu I, KHCC)
3. Sr. Hpauyam Hka Li (N/T Amu madu III, KHCC)
4. Ms. Clemetina Cantoni (ECHO, Head Office Yangon)
5. Ms. Eszter Neheth Counsellor , Head of Political – EU Delegation
6. Ms. Pedro Campo LLOPIS (Deputy Head of Operation- EU Delegation)
7. Ms. Win Win Thein (Program Officer- ECHO, Yangon)
KBC MNK
