KBC  LAILI  LAIKA  THE  HTANGDIP  MAGAM DAP

            KBC Laili laika hte Htangdip Magam Dap gaw aten hpring magam dap langai mi rai nga ai. Magam Dap kaw nna, Hpung woi masa lam hte seng ai, Amyu lakung shagu a makam masham lam (Chyum laika, shakawn mahkawn, Chyum hpyan laika, Chyum tam laika, Choir buk zawn re ai ni), amyu sha Sharin laika ni hte seng ai laika hi hpe ka gale, ka shapraw, dip shabra nga ga ai. Ginwang hte matut mahkai nna sharin hpawng ni, hkaw tsun hpawng ni hpe mung galaw nga ga ai. KBC Laili Laika hte Htangdip Magam Dap sub-komiti ni hpaw nna mung magam amu hpe jawm gun hpai shakut shaja nga ga ai re.

            Ndai magam dap kata kaw hpaw da ai chyum gale sub-komiti ni gaw;

  1. Lhaovo Chyum gale sub-komiti
  2. Zaiwa Chyum gale sub-komiti
  3. Lacid Chyum gale sub-komiti
  4. Ngoqchang Chyum gale sub-komiti ni rai ma ai.

Lhaovo Chyum gale sub-komiti

                        Lhaovo Chyum gale sub-komiti ni gaw, ya aten hta Lhaovo shakawn mahkawn mangoi hpe bai gram ka lajang ai amu, Lhaovo laika hpe sharin ya ai amu, Sharin laika buk ni galaw shapraw dip shabra ai  amu zawn re ai ni hpe galaw nga ga ai.

Zaiwa Chyum gale sub-komiti

Zaiwa Chyum gale sub-komiti ni gaw Chyum laika ga shaka dingsa gale ai amu hpe madung dat nna galaw nga ai. Chyum laika sharin hpawng hte Zaiwa laika sharin hpawng ni hpe mung galaw nga ai.

Lacid Chyum gale sub-komiti

Lacid Chyum gale sub-komiti ni gaw Lacid laika sharin ai amu, Sharin laika buk ni gyim shalat dip shabra ai amu ni hpe galaw nga ai re. Lacid Hkaja Chyum laika OT hpe galaw na matu mung hkyen lajang nga ga ai.

Ngoqchangh Chyum gale sub-komiti

                        Ngoqchangh Chyum gale sub-komiti ni mung, amyu sha laika ni hpe matut sharin ya ai lam, Chyum laika sharin hpawng ni hpe galaw nga ga ai.

Ga Gale Hpung (Translation Team)

                        KBC Laili laika hte htangdip magam dap kaw, Ga gale hpung (Translation team) ngu ai mung hpaw da let, makam masham lam hte seng ai manu dan ai laika buk kaba ni hpe gale, dip, dut shabra ai lam ni hpe galaw nga ga ai.

                        Ya ten:

  1. Chyum htai laika (Bible Dictionary)
  2. Hkristan Makam a ahkyak ai mateng lam ni (Essential Truths of the Christian Faith)
  3. Chyum tam laika (Bible Concordance) ni hpe ka gale nga ga ai.

Laili laika hte Htang dip magam dap hte matut mahkai bungli galaw nga ai ni

  1. SIL (Thailand)
  2. Myen Mung Chyum laika hpung
  3. Bethlehem Church, USA.

KBC Laika seng

                        Laika seng mung Laili laika hte htangdip magam dap kaw nna lit la let, makam masham hte seng ai laika muy hkum sum hpa hpe dut ya nga ga ai. Ndai laili seng hta hti ai laika ni sha nrai, ka na laika, ballpen, maisau hkum sum hpa dut lu na matu mung galaw sa wa nga ga ai.

Hanson Htangdip Gawng

                        Hason Htangdip Gawng mung KBC Laili laika hte Htangdip magam dap a bungli dabang langai mi rai ga hte maren Makam masham hte seng ai laika myu hkum hkra, shaga laika ni, lakmat ni, kaga hpan amyu myu hpe dip ya nga ai re. KBC, Ginwang hte Buga ni ap wa ai bungli hpe kaja dik ai hku nna lit la galaw ya nga ga ai. Laili laika hte Htangdip magam dap a lam hpe ntsa lam ndai hku tang madun let hpungdim nngai.